వరిలో పచ్చదీపపు పురుగు

పురుగు ఆశించు కాలం: మార్చి – నవంబర్‌

పురుగు ఆశించక ముందు తీసుకోవాల్సిన జాగ్రత్తలు

• నాటే ముందు నారు మొక్కలను 5 శాతం వేప గింజల కషాయంతో 24 గం||లు శుద్ధి చేయాలి. 
• పొలంలో ఎప్పుడూ నీరు నిలువ ఉంచకుండా అప్పుడప్పుడు నీటిని తీసేస్తూ ఉండాలి (‘శ్రీ వరిసాగులో ఈ పురుగు ఉధృతి అతి తక్కువగా ఉంటుంది). ఇలా చేయడం వల్ల మొక్క మొదళ్ళ దగ్గర గాలిలో తేమ తక్కువగా ఉండడం వల్ల పురుగు వృద్ది చెందదు. 
• ప్రతి 2 మీటర్లకి కాలిబాట వదలటం వలన గాలి బాగా ప్రసరించి పురుగు ఉధృతి తగ్గుతుంది.
• పురుగులు గుడ్లు పెట్టే గడ్డి, కలుపు మొక్కలను ఎప్పటికప్పుడు పొలం నుండి, పొలం గట్ల నుండి పీకి నాశనం చేయాలి. 

నివారణ: 

• వేప నూనె, కానుగ నూనె 1:4 నిష్పత్తి కలిపి పిచికారీ చేసుకోవాలి. 
• ఇసుక15 కిలోలకి 1.5 లీ. వేపనూనె బాగా పట్టించి, రాత్రంతా ఉంచి ఉదయాన్నే పొలంలో చల్లితే పురుగు ఉధృతి తగ్గుతుంది. 
• పొలంలో దీపపు ఎరలను ఉంచి పురుగు ఉధృతి తగ్గించవచ్చు. ఎకరానికి ఒక 150-250  వాట్స్‌ బల్బు ఉంచి దానికింద తొట్టిలో నీరు పోసి కొంచెం కిరోసిన్‌ పోస్తే దీపపు పురుగులు కాంతికి ఆకర్శింపబడి తొట్టిలో పడి చనిపోతాయి.